Esta é unha actuación promovida pola Deputación da Coruña no marco do programa “Outono das Artes”, un programa que serve de apoio á divulgación e promoción das diferentes formas de expresión artística presentes en Galicia.

A obra explora o camiño cara á igualdade, destacando os esforzos das mulleres para romper as barreiras que lles impiden acceder a certas profesións.

Bule bule combina emoción, valores e reflexión para contar a historia de Candela, unha nena soñadora cun obxectivo ambicioso: construír o seu propio barco e converterse na súa capitá, todo mentres se enfronta aos desafíos de ter TDAH (Trastorno por Déficit de Atención e Hiperactividade).

A través dunha narrativa chea de simbolismo, a obra non só destaca as dificultades ás que se enfrontan as mulleres para acadar certos soños nunha sociedade que aínda loita contra as desigualdades, senón que tamén celebra a diversidade e a importancia de valorar as diferenzas.

ENTRADA GRATUITA ATA COMPRETAR AFORO.

Público familiar a partir de 4 anos.