Este ano o cineasta Christopher Nolan presentounos a súa visión dun dos máis grandes clásicos de todos os tempos: a Odisea.
Nesta tempada de teatro, abrimos o CAEST coa versión da historia que no ofrece Sole Fellozas.



Odiseicas: as que tecen a historia é un espectáculo de narración oral escénica inspirado na Odisea, pero tamén na obra e no pensamento de Begoña Caamaño, autora homenaxeada nas Letras Galegas 2026, cuxa escrita supón unha profunda relectura feminista dos mitos fundacionais e dos relatos herdados.

Cirses, Penélopes e outras mulleres toman a palabra para contar a súa versión da historia.

Personaxes tradicionalmente relegadas aos márxenes dos relatos canónicos ocupan aquí o centro da narración, revelándose como mulleres que pensan, deciden, lembran e actúan. O espectáculo propón así unha revisión crítica do imaxinario clásico, ofrecendo referentes diversos e igualitarios sen renunciar á potencia poética do mito.

Odiseicas: s que tecen a historia é unha proposta escénica comprometida coa igualdade, que fai da narración oral un espazo de resistencia simbólica, revisión do canon e celebración da palabra como acto político e poético.

NOTA: Poderán ser beneficiarias da entrada reducida as persoas dos seguintes grupos: mozos e mozas con Caé Xove (12 a 30 anos), maiores de 65 anos, persoas con un grado de discapacidade recoñecida, persoas desempregadas, perceptores de Rendas Sociais, membros de familias monoparentais ou numerosas.

No caso de mercar a entrada reducida deberá presentarse documento acreditativo da situación específica xunto coa entrada no momento do acceso ao espectáculo. De non dispoñer desa proba documental, poderase denegar o acceso.