Itzulera antzezlana ikusleen aurrean eraikitzen den road movie psikodeliko eta umoretsua da. Hiru antzerkilarik, Mexikora egindako bidaian, diasporako euskaldunak elkarrizketatzeko abentura bizi dute. Ustekabeko gertaera batek bidaia deliriozko esperientzia bihurtzen du, jazarpenak, haluzinazioak eta chihuahua berezi bat tarteko. Autofikzioaren bidez, nortasunaren bilaketa eta gizakiaren zentzugabekeria umorez eta irudi indartsuz jorratzen ditu.

Zuzendariak: Dejabu konpainia, Urko Redondo, Ainara Gurrutxaga, Miren Alcalá.

Antzezleak: Ainara Gurrutxaga, Miren Alcalá, Urko Redondo, David Aguilar.

Zuzeneko bideo sorkuntza: David Aguilar, Zazpiterdi.

Gidoia eta testuak: Ainara Gurrutxaga

Musika konposatzailea: Ander Feández.

Eszenografia eta maketak: Urko Redondo.