MACHI SALGADO: 'O ESPÍRITO DE VANIA' PONTEVEDRA

* VENRES 21 DE NOVEMBRO, ÁS 20:00 H.

MACHI SALGADO: “O ESPÍRITO DE VANIA”

Procedencia: Galicia

Xénero: teatro

Idade recomendada: adulto (+14) 

Duración: 85 minutos

Idioma: galego

Prezo da entrada: 8 €

 

Ficha técnica e artística:

Dirección: Carlos Álvarez-Ossorio

Interpretación: Machi Salgado 

Espazo sonoro e música en escena Rubén Abad 

Dramaturxia: Carlos Álvarez-ossorio e Machi Salgado 

Revisión lingüística: Fran Godón 

Axudante de dirección: Rubén Porto

Asesoría de movemento Alba blanco

Deseño gráfico  e fotografía: Diego Seixo 

Vídeo promocional: Fon Cortizo 

Prensa e Comunicación: Aberto Ramos

Produción : Escénate, Kante producciones e Machi Salgado 

distribución: Escénate e Machi Salgado

 

Sinopse:

Un actor e un músico entran nun espazo en ruínas. Os espíritos dos personaxes do Tio Vania de Chekhov habitan o corpo do actor para contar a súa historia, intentando entender o que aconteceu naquel lugar, unha vella casa galega onde a rutina, os desexos non correspondidos e os soños rotos marcan o paso do tempo. Un afondamento na capacidade de resistencia do ser humano e na súa desconexión coa terra e a natureza. Unha proposta intimista con música en directo na que conviven o tráxico e o cómico e onde cada elemento da escena ten vida propia.

 

Chékhov segue sendo un autor contemporáneo que nos interpela directamente, e Tío Vania é unha obra á que sempre vale a pena volver. O noso reto é contar esta  historia dunha maneira persoal e renovada, cunha mirada  libre de prexuízos, coma se descubrísemola por primeira vez.

 

Queremos que o público máis novo atope nela unha voz  actual e que quen coñeza a obra descubra novos matices. A través de Tío Vania, conectamos coas inquietudes do  mundo actual e da sociedade galega: a crise dun sistema que se esgota, o feminismo, o ecoloxismo, as desigualdades  sociais ou a precariedade económica. Chékhov observa o  colapso da súa época desde a intimidade, convertendo a crise  do sistema nunha crise persoal. 

 

A aparente sinxeleza da obra esconde múltiples capas e  lecturas. Cada nova lectura ofrece unha perspectiva distinta, facendo que Tío Vania sempre sexa unha obra por descubrir.