FRAN SIEIRA COMPAÑÍA DE DANZA: 'CEIBE' PONTEVEDRA

Ficha técnica e artística:

Dirección artística: Fran Sieira e Sergio R. Suárez

Acompañamento de dirección: VACAburra

Bailadoras e bailadores: María Montero, Aida Tarrío, André Adrio, Artur Puga, Patricia Sánchez, Martín Mondragón, Adela Otero, Cristina Canosa, Adrao Casal

Música orixinal: MounQup (Camille Hedouin) / Carlos Quintá

Iluminación: Fidel Vázquez

Espazo escénico: Laura R. Iturralde

Vestiario: Érica Oubiña

Espazo sonoro: Isaac Millán

Construción de escenografía: Nononon.lab

Imaxe e deseño gráfico: Paulina Funes

Fotografías: Aigi Boga 

 

A través das Axudas á Creación Escénica 2023 da Xunta de Galicia.

Coa colaboración da Deputación da Coruña, Concello de Ribeira, Concello de Ames, Concello de Cangas, Fundación Cidade da Cultura de Galicia, A Casa Vella, Codisoil SA. 

 

Sinopse

Despois do éxito de DeMente, Fran Sieira Compañía de Danza presenta CEIBE, unha peza contemporánea reflexo do baile e a música tradicional que investiga a relación entre o xénero e a nosa tradición. Ceibe afonda en como o xénero está presente en diferentes ámbitos, incluíndo unha manifestación cultural tan importante como o baile tradicional.

 

A peza trata de entender que é o xénero para nós como individuos, como colectivo e tamén como sociedade. Reflexiona sobre as categorías de xénero e os seus estereotipos para establecer distancia coa normatividade e construír novas formas de entender o corpo e o movemento.