Concerto pola saúde mental Santiago de Compostela

Fear Of Missing Out chega ó Salón Teatro de Santiago de Compostela.
O 25 de febreiro ofrecemos un espectáculo que combina un concerto, unha exposición e unha charla sobre saúde mental.
Mostraremos obras de Carlos Asorey, un artista da cidade, creador de ilustracións e esculturas que deixarán ó público impresionado.
Teremos unha charla coordinada pola psicóloga Rebeca Blanco, da empresa Mentiness, e coa colaboración da USC, na que falaremos da realidade da saúde mental antes e despois da COVID.
E pecharemos coa interpretación do noso disco Disorders, con letras escritas por persoas con trastornos mentais.
Todo isto, con entrada íntegra a favor de FEAFES Galicia.
Esperámosvos!