Tele-Clube e Artistas en Ruta temos o pracer de anunciar o vindeiro concerto da artista donostiarra Sara Zozaya na libraría Galicia (Rúa Ourense, 69) de Lugo o próximo venres 2 de outubro ás 21:00 horas. Cantante, compositora e multiinstrumentista, Zozaya acompañada por Itziar Garaluce nas visuais, presentan na nosa cidade o seu proxecto de sonoridades contemporáneas e raíces na tradición vasca. Libre de etiquetas, a súa curiosidade transita entre a electrónica e o lo-fi e aflora emocións con séculos de historia.