Os nosos amigos de Noite Bohemia, a premiada e queridísima compañía galega que fai do teatro clásico unha arte, volven pisar o escenario do Multiusos para traeos unha das obras máis divertidas e entretidas do teatro español.

O gran Lope de Vega escribiu esta comedia fresca e divertida, na que todo o elenco de personaxes defende a súa felicidade superando prexuízos e presións sociais. É unha excelente mostra do mellor teatro clásico, como demostra o favor do público do que desde sempre gozou.



Esta comedia de enredo xira arredor do amor, os celos e a honra e preséntanos a loita interior que vive a Condesa Diana entre o amor que sente cara ao seu secretario Teodoro e os convencionalismos sociais que lle impiden contraer matrimonio con el. Pero Diana tampouco consente que Teodoro, persoa que pertence a unha clase social inferior, case coa súa namorada, a criada Marcela. Nin comer nin deixar comer!

NOTA: Poderán ser beneficiarias da entrada reducida as persoas dos seguintes grupos: mozos e mozas con Caé Xove (12 a 30 anos), maiores de 65 anos, persoas con un grado de discapacidade recoñecida, persoas desempregadas, perceptores de Rendas Sociais, membros de familias monoparentais ou numerosas.

No caso de mercar a entrada reducida deberá presentarse documento acreditativo da situación específica xunto coa entrada no momento do acceso ao espectáculo. De non dispoñer desa proba documental, poderase denegar o acceso.