Ficha técnica e artística

Intérpretes: Xabier Artieda · Aritz Bengoa – Xabier Flamarique

Iluminación en xira: Asier Calahorro (Kandela Iluminación)

Deseño de Escenografía: Teatro Paraíso e Asier Calahorro

Vestiario e Atrezo: Ana Fdez. Alonso – Pilar López

Deseño de Iluminación: Javier García (Kandela Iluminación)

Dramaturxia: Rosa A. García

Dirección: Tomás Fdez. Alonso

Sinopse:

Entrecajas é un espectáculo que suxire que o mundo é unha gran caixa na que vivir grandes aventuras, como a escena o foi para Teatro Paraíso durante os seus 45 anos de traxectoria. Este espectáculo convídanos a gozar do xogo, a superar as dificultades en compañía e a imaxinar que xunto a outros seres humanos é posible alcanzar calquera soño.

Unha historia chea de humor, na que dous amigos que viven nunhas caixas imaxinan viaxes a lugares soñadores, coa súa sorprendente creatividade. A súa vida transcorre entre o xogo, a convivencia, as pelexas cotiás e as reconciliacións.

Bartolomeus e Comiño viven felices de contar o un co outro até o día en que aparece un terceiro personaxe que porá a proba a forza da súa amizade roubándolles as súas caixas.

Xuntos atopan o camiño de regreso ao lugar no que un día foron felices ao descubrir que lles quedou o máis valioso: a súa amizade e a súa capacidade de imaxinar.

Un clásico do teatro familiar na dramaturxia europea contemporánea que foi tamén unha metáfora do proxecto artístico de TEATRO PARAÍSO.

 

Premio FETEN 2024 ao mellor espectáculo de “clown”.