AMIGAS

Tiñamos moitísimas ganas de ensinarvos este cartel! Cun line up de artistas moi especiais que nos visitan dende diferentes puntos da península.

Dende Euskal Herria, Bassantewaa Sound System será o encargado de sonorizar o baile, traendo toda a súa pressure na súa Mono Tower e presentando unha nova configuración na nosa terriña. Xunto con todo o bass, traen unha selección de auténtico vértigo.

Dende Zaragoza chega Blua.

akvo, unha artistaza coa que tiñamos moitísimas ganas de compartir os controis e, sobre todo, de que a poidades gozar con nós! Ademais, traerá algunha sorpresiña durante a súa sesión.

Entre Galiza e Valencia chega Landra, parte da crew dun dos colectivos máis emblemáticos da escena, Bassetxea. Vén preparada para encher o micro de mensaxe, conciencia e moita forza.

E, como non, as nosas queridiñas Dubdasduas, un colectivo que está medrando con moitísima forza en Galiza e coas que temos o pracer de compartir esta data.

Unha sesión moi especial para todas as amigas! Preparade o bañador, os mellores pasos de baile e vide gozar con nós das mellores vibes do verán.