DOMINGO 10 DE MARZO, ás 18:00h:

* A Maga Fani: “Igualdade, onde estás?”

DÍA INTERNACIONAL DA MULLER

 

Xénero: maxia

Idade recomendada: familiar

Idioma: galego

Duración: 65 minutos

Prezo da entrada: 5 €. 

 

Ficha artística e técnica:

Ilusionista:  A Maga Fani

Guión orixinal: A Maga Fani

Dirección: A Maga Fani e Martín Camiña

Deseño Iluminación: Ángel Modia

Vestiario: Producións Herméticas

SINOPSE:

A protagonista desta historia nace un 8 de Marzo de 1975. Considerando este feito a súa nai un claro sinal dunha misión, decide chamala Esperanza...“Esperanza Marzal”.

 

“Esperanza Marzal” traerá a igualdade: ela desexa que no século XXI as mulleres poidan ir tranquilas pola rúa, acadar os mesmos postos de traballo que calquera persoa, e pregúntase por que en moitas entrevistas nos medios de comunicación ás mulleres se lles pregunta polo seu físico, no canto de facelo pola súa actividade, a conciliación da vida laboral e familiar, a finalización de todo tipo de violencia de xénero, abusos etc.

 

Deste xeito, e a pesar de todas as celebracións do “Día da Muller”, segue sen palpar a “Igualdade”, por iso irá na súa procura, utilizando a maxia e o humor.

 

Cumprirá a súa misión?...atopará a igualdade?...onde estás, igualdade?,...u-la igualdade?

 

Espectáculo cheo de ilusións con cordas, cartas,...moito humor e participación do público, para tentar expor non só as desigualdades cotiás e históricas, senón tamén a importancia de erradicalas traballando nos ámbitos da educación e a cultura.