UKESTRA DO MEDIO - RIQUELA CLUB - DE AQUI E ACOLÁ Coruña, A

Ukestra do medio apresenta ‘De Aqui e de Acolá’, o seu terceiro disco grande, um trabalho que inclui 10 temas e que se abre a inspiraçons nom exploradas anteriormente. Assi, a cúmbia, a bossa nova ou a música de ar tradicional convivem com ritmos mais habituais nos trabalhos da Ukestra como som o pop, o swing, o folk ou a música country. Umha mestura intencionalmente eclética e heterodoxa.

‘De Aquí e de Acolá’ apresenta-se como o disco mais alegre da Ukestra do Medio, no que predominam a celebraçom da natureza e da vida e a essência do cotiá, sempre presente na narrativa da suas produçons. Mas também hai espaço para certa melancolia relacionada com o desarraigamento, para as lendas tradicionais de mouros e tesouros e, como nom, para o desamor ainda que com certa olhada de esperança. A ironia e as letras críticas tamém tenhem o seu espaço neste novo trabalho.

O título do disco fai referência à diversidade de estilos nas músicas e de histórias nas letras. Essa mesma variedade está recolhida na ideia do desenho da capa, um passaporte no que cada carimbo é umha das cançons do disco. Todo isto condensa a ideia de que a escuita é umha espécie de viagem por lugares e ambientes bem diversos.

Todos os temas som da Ukestra do Medio exceto ‘Tonight You Belong to Me’, composta em 1926 por Billy Rose e Lee David e da que existem versons tocadas com ukulele como a de Eddie Vedder no disco Ukulele Songs (2011).

Colaboram María Caramés tocando o theremin e coros, Adrián Longart com congas e percussons e Jacobo Iglesias tocando a tarola.

Desenho: Diego de la Iglesia (Guillotina Estudio).