SEÑORES. Unha comedia machirula De Ste Xeito Coruña, A

Unha comedia hilarante. Risas aseguradas e reflexións incorporadas.

Cecilia, Celia e Lía son irmás e non poderían ser máis diferentes. As súas vidas, traballos e relacións están moi afastadas entre si. Aparentemente, non teñen nada en común, se non fose porque son trillizas concibidas nunha noite de liberación sexual a finais dos setenta.

Un día, reciben unha chamada de Carmen, a súa nai, para acudir á casa familiar de Cabo Home durante a noite de San Xoán...

Señores é a historia dun reencontro entre catro mulleres e fala das cousas que viviron, das cousas que esperan vivir, dos medos, dos resentimentos e das alegrías. Tamén fala de homes: homes que opinan, que cuestionan, que critican, que se alían ou que acosan.

Señores é unha comedia que fala de irmás, nais e fillas e de noites máxicas. Unha comedia feminista na que hai mulleres que interpretan homes que din o que as mulleres deben facer.




NOTA: Poderán ser beneficiarias da entrada reducida as persoas dos seguintes grupos: mozos e mozas con Caé Xove (12 a 30 anos), maiores de 65 anos, persoas con un grado de discapacidade recoñecida, persoas desempregadas, perceptores de Rendas Sociais, membros de familias monoparentais ou numerosas.

No caso de mercar a entrada reducida deberá presentarse documento acreditativo da situación específica xunto coa entrada no momento do acceso ao espectáculo. De non dispoñer desa proba documental, poderase denegar o acceso.