22 EDICIÓN DE PLAY-DOC FESTIVAL INTERNACIONAL DE CINEMA DE TUI, 2026.

CINEMA PERCORRIDOS VII: MATERIA, MEMORIA E HISTORIA

Cine Recorridos volve na súa sétima edición como unha das experiencias máis singulares de Play-Doc, convidando a vivir o cinema fóra da sala, en diálogo con espazos únicos da cidade de Tui. Nesta ocasión, a proposta articúlase en dúas paradas que configuran un percorrido audiovisual en vivo e compartido. O artista e cineasta Carlos Casas abre a noite con Krakatoa, unha potente peza de cinema expandido que converte o son e a imaxe nunha experiencia inmersiva. A continuación, Alba G. Corral presenta Variacións para un retablo, unha intervención de live cinema que transforma o retablo da Igrexa de Santo Domingo a través de luz e código en tempo real. Dúas propostas que expanden o cinema cara ao performativo e o sitúan en relación directa co espazo e co espectador.