ZIG ZAG DANZA: 'MÍMESIS'. ESPECTÁCULO PARA BEBÉS. AFORO SÚPER REDUCIDO a PONTEVEDRA

Elenco artístico: Miguel Quiroga e Estrella García en espazo escénico e Miguel Pérez Iñesta e Enmanuelle Bernard en imaxe interpretando a música orixinal. 

 

Sinopse:

Mímesis concíbese como un ritual escénico iniciático para a primeira infancia e as súas familias, que constrúe un ecosistema escénico para que sexa habitado e compartido por intérpretes e familias participantes.

Do mesmo xeito que as anteriores producións de Zig Zag Danza para a Primeira Infancia, mímesis é unha proposta que parte da honestidade e o respecto, preservando a capacidade de desenvolvemento creativo dos públicos máis pequenos, unha coidada produción internacional de máis de tres anos realizada entre España e Alemaña.

Este traballo transita nun delicado equilibrio entre o movemento, a música e a imaxe, de tal forma que ningunha destas linguaxes quede ao servizo do resto, senón que conserven a súa entidade nunha relación horizontal.