Trapallada + Quinkillada@ Mardi Gras a A Coruña

A Quinkillada é a sinerxia entre a maxia da verbena galega e a forza dun festival con toda a frescura dunha banda nova. A mestura de ritmos latinos coa rumba máis quinki fará que baile todo aquel que se deixe levar polos temas do seu primeiro disco: "Gozar, Sentir, Bailar".

Trapallada é unha banda de ska punk formada no 2004 no barrio coruñés de Monte Alto. Na súa traxectoria suman case vinte anos nos escenarios e máis de seis traballos discográficos. Mesturando ska, punk, rock ou reggae conseguen un son potente e festivo, con letras en galego que falan da realidade que os rodea, a defensa dos dereitos individuais e colectivos, o rexeitamento de actitudes fascistas, machistas e que atenten contra a liberdade das persoas. Neste momento a banda atópase na xira de presentación do seu novo disco “Eoé! Ao vivo na Pobra” que rexistra o seu concerto no Festival Entrebateas 2017. Cun directo fresco e dinámico, esta formación composta por dez músicos promete enerxía para non deixar indiferente a ninguén.

As dúas bandas presentan traballos nesta Xira de 2023.