SARABELA TEATRO: 'O DRAGÓN DE OURO' a PONTEVEDRA

Ficha artística e técnica

Elenco: Fernando Dacosta, Fina Calleja, Fran Lareu, Sabela Gago, Fernando González

Autoría:  Roland Schimmelpfenning

Dirección:  Ánxeles Cuña Bóveda

Adaptación:  Ánxeles Cuña Bóveda

Tradución:  Catuxa Pato

Escenografía:  Iris Blanco

Iluminación:  Laura Iturralde

Son:  Vadzim Yuknevich / Renata Codda Fons

Vestiario:  Ruth Díaz Pereira

Música:   Vadzim Yuknevich

Dirección de movemento: Rut Balbíns

Asesoramento textual:  María Peinado

Técnicos de luz e son: José Bayón / Rubén Dobaño

Deseño gráfico: Peatón Gráfico

Realización vestiario: Santos Salgado

Realización escenografía: Carlos Domínguez

Comunicación: Alberto Ramos

Produción: Fina Calleja

Distribución: Culturactiva / Sarabela Teatro

 

Sinopse:

Sarabela Teatro presenta, por primeira vez en galego, O dragón de ouro, unha traxedia contemporánea performática con ton grotesco de Roland Schimmelpfenning, o autor alemán vivo máis representado a nivel internacional. Unha noite, nun edificio de varios pisos, nalgún lugar de Europa. Un mozo chinés sofre unha forte dor de moas na cociña dun restaurante asiático de comida rápida. Non ten permiso de residencia nin atopa a súa irmá desaparecida. O espectáculo aborda temas candentes no debate social como a inmigración ilegal e a prostitución forzada. Con humor fino e unindo fantasía e realidade. Unha posta en escena cun equipo xeneroso e entregado que dá o mellor de si para habitar un universo fascinante, único. 

 

A compañía

A compañía Sarabela é unha compañía de creación escénica, formación teatral universitaria, produción e organización de festivais. Defende un teatro de repertorio, de acción, emoción, experiencia poética e comunitaria. Con máis de 60 premios no seu haber, nos seus máis de 40 anos de existencia, foi construíndo un equipo sólido con propostas artisticamente estimulantes, que van desde autores clásicos e contemporáneos ata adaptacións de autores que se achegan ás novas linguaxes escénicas e voces da dramaturxia. Teatro con selo propio, comprometido co tempo que lle toca vivir, en diálogo permanente coa comunidade.