PRODUCIÓNS TEATRÁIS EXCÉNTRICAS: 'AS DESTERRADAS' a PONTEVEDRA

Ficha técnica e artística:

Elenco: Belén Constenla , Melania Cruz, Rocío González, Rebeca Montero, Patricia Vázquez e Víctor Mosqueira.

Espazo Escénico: Laura Iturralde e Quico Cadaval

Espazo Lumínico: Laura Iturralde

Espazo Sonoro.- Piti Sanz

Deseño de Vestiario: Celia Sineiro

Deseño Gráfico: Javier de la Rosa

Fotografía: Sabela Eiriz

Vídeo: Sonia García

Axudante de Dirección: Mon Serodio

Xefe de Produción: Rubén G. Pedrero

Autoría: Carme Varela

Dirección: Quico Cadaval

 

 

Descrición:

AS DESTERRADAS de CARME VARELA (25º Premio Álvaro Cunqueiro para textos teatrais)

No século XVI unha pequena comunidade de monxas á beira do Miño vese ameazada pola cobiza da xerarquía eclesiástica. Os señores da Igrexa, para rematar coa resistencia das freiras non dúbida en difamalas e ameazalas por todos os medios, desde o tribunal da inquisición á violencia das mesnadas señoriais. Carme Varela reconstrúe nun thriller conventual aqueles tempos de resistencia das comunidades de mulleres autosuficientes e poderosas. A vida parece continuar coas súas rutinas de rezos, bordados e melindres, mais a negra sombra da ameaza exterior abátese sobre o convento de Albeos.

A heroica resistencia daquelas freiras chega agora encarnada nun elenco luxoso (Melania Cruz, Patricia Vázquez, Rebeca Montero, Rocío González, María Costas e Víctor Mosqueira), iluminadas por Laura Iturralde e dirixidas por Quico Cadaval.

A obra de Carme Varela foi un fenómeno editorial singular. Chegou ás cinco edicións nun ano, insólito para un texto teatral.

Estrea o 6 de marzo no Teatro Principal de Santiago de Compostela.