LAD Dance Company: Qualia a PONTEVEDRA

SÁBADO 27 DE ABRIL, ás 20:00 h:

* LAD Dance Company: “Qualia”

DÍA INTERNACIONAL DA DANZA

 

Xénero: danza contemporánea

Idade recomendada: todos os públicos

Idioma: sen texto

Duración: 45 minutos

Prezo da entrada: 5 €

 

Bailaríns: Celia Vioque Moreno, María Montañá Porta, Sara del Río del Peso, Pablo Bass de Fina.

Dirección e coreografía: Iago Alonso Abad

Deseño de escena e técnica: Pablo del Pozo García

 

LAD DANCE COMPANY

LAD Dance Company é unha compañía de danza urbana e contemporánea creada en 2020 co fin de dar cabida a novos artistas creando novos traballos continuamente para obter unha carteleira ampla e de calidade tanto en danza urbana como en danza contemporánea, contando tanto con coreógrafos consolidados no panorama nacional e internacional como con novos coreógrafos emerxentes, dando lugar a un amplo abano de opcións á disposición dos espazos e concellos interesados. A dirección está composta por Pablo del Pozo García (Toledo, 1995) e Iago Alonso Abad (Foz, 1994) 

 

SINOPSE:

No noso día a día creamos lugares onde sentirnos seguros, tranquilos e arroupados. Temos unha idea preconcibida desta "zona de confort" como un refuxio inalterable, onde nada nin ninguén pode entrar. Sen embargo, a realidade é outra. A enerxía das persoas pode influír neste lugar alterándoo de diversas formas. En Qualia exploramos esta inestabilidade dende o noso lado máis humano. O escenario convértese nun campo de batalla e, no seu centro, un lugar iluminado onde atopar esas sensacións que tanto anhelamos. Catro bailaríns serán os encargados  de remover esa enerxía para demostrarnos que nada é o que parece.