ELEFANTE ELEGANTE: 'KYOKI' a PONTEVEDRA

Ficha artística:

Creación: María Torres e Gonçalo Guerreiro

Dirección de escena e escenografía: Gonçalo Guerreiro

Interpretación: María Torres

Manipulación de obxectos: Mario Rodríguez

Produción de arte e deseño gráfico: Carolina Díguele

Composición musical: Manuel Fonte

Iluminación: Nacho Martín

Vestiario e Atrezo: Carolina Díguele

Fotografía: Vanessa Rábade

 

Sinopse:

KYOKI é unha creación destinada ao público infantil e familiar a partir dos 5 anos. O espectáculo aborda a temática do esquecemento, da vellez e da soidade.

KYOKI significa “demencia” en xaponés e refírese a unha alteración da capacidade para recordar, pensar ou tomar decisións. É certo que adoita verificarse en persoas de idade avanzada, mais...Quen nunca esqueceu onde colocou a caixa das galletas? Ou por distracción vestiu o xersei do revés? Ou saíu de casa atrasado para o cole sen peitear o cabelo?

KYOKI é unha ollada cómplice, reflexiva e sensible ás experiencias que viven tanto as persoas que precisan ser coidadas como as propias coidadoras.

A través dunha linguaxe xestual fundamentada na manipulación de obxectos e na interacción constante co dispositivo escénico, o espectáculo crea un universo cómico e poético que viaxa do realismo á hipérbole da vida cotiá.