D.E.P a LOUSAME

Premio Vigocultura (Concello de Vigo) 2019

Premio do público “Mostra de Teatro de Malpica” 2018

Unha nai con xa demasiados anos, unha embolia, unha gripe e moi poucas ganas de morrer; un fillo próximo aos 50 cunha muller posesiva e medio calva, unha empresa que se afunde e unha xubilación que se afasta, que se afasta; outro fillo de 42 que a coida, báñaa, peitéaa e case a mata (á da embolia); unha “Testigo de Jeová” que os visita cada mércores; moitas libretas e poucos aforros; unha casa que hai que vender " pero, xa! "; e unha noite interminable repleta de segredos inconfesables que acaban saíndo á luz e provocan a confesión máis crua da función: "Fran, eu creo que non quero a mamá. ", dille Carlos o seu irmán. "Pois mira que se se cura... ", contéstalle Fran á súa vez.

E como non queren que se cure polo seu ben, para que non sufra, porque isto xa non é vida nin é nada, empezan a idear maneiras de axudala, de darlle un empuxonciño. E aparecen novos elementos: unha corda, e unha lámpada, e ventás abertas, en inverno, ben abertas, e un coxín, e pan, un miolo de pan... E medo, moito medo. E a luz do día empeza a despuntar, e remata o tempo, e falo ti ou fágoo eu, e non o fai ninguén, e unha gran sorpresa final, e... ah, si!

E timbres, moitos timbres.

AUTORES: Jordi Sánchez y Pep Antón Gómez

DIRECTOR: Marcos Orsi

ELENCO: Jouse García, Patricia Rodríguez y Xoque Carbajal

Iluminación: Xulio Lago

Escenografía: Kukas