Chévere: Helen Keller, a muller marabilla? a PONTEVEDRA

SÁBADO 9 DE MARZO, ás 20:00 h:

* Chévere: “Helen Keller, a muller marabilla?”.

DÍA INTERNACIONAL DA MULLER

 

Xénero: teatro

Idade recomendada: adulto (+12 anos)

Idioma: galego e lingua de signos española (LSE)

Duración: 90 minutos

Prezo da entrada: 5 €

 

 

 

Ficha artística e técnica::

En escena: Patricia de Lorenzo, Chusa Pérez, Ángela Ibáñez. 

Dramaturxia e dirección: Xron. 

Axudantía de dirección: Borja Fernández. 

Espazo sonoro: Xacobe Martínez Antelo. 

Iluminación: Fidel Vázquez. 

Produción executiva: Patricia de Lorenzo.

Espazo audiovisual: Lucía Estévez. 

Espazo escénico: Nononon.lab. 

Son: Xurxo Pinheiro. 

Idea orixinal: Chusa Pérez. 

Creación: Chévere 

Asesoramento e apoio en inclusión: Chusa Pérez. 

Produción, administración: Inés Portela. 

Asesoramento en lingua de signos: Ramón Costoya Lens. 

Distribución: Cremilo/Carlos M. Carbonell. 

Comunicación: Xana García

 

Unha co-produción de Chévere co Centro Dramático Nacional e co Teatre Lliure, con apoio de AGADIC/Xunta de Galicia. Colaboran: Centro Dramático Galego, Concello de Ames, ONCE, Sala Ártika. Obra en lingua oral (galego) e lingua de signos (LSE), con textos proxectados en galego.

SINOPSE:

Todo comeza ao descubrir a historia dunha muller, totalmente descoñecida para Chévere, chamada Helen Keller. Nacida en Tuscumbia (Alabama), convértese nunha celebridade mundial ao ser, segundo as fontes oficiais, a primeira persoa xordocega en obter un título universitario en 1904 en Harvard, despois dun duro proceso de aprendizaxe dende os oito anos. Polo menos esta é a parte da súa vida que se fixa na memoria colectiva, como un modelo exemplar de superación da discapacidade. E polo que se sabe, a maioría dos seus escritos acaban rescatados como simples aforismos motivacionais. Pero ao investigar en varios arquivos dixitais norteamericanos vanse descubrindo outras facetas desconcertantes da súa vida, que son sistematicamente ocultadas. E o máis sorprendente, nos últimos anos difúndese masivamente polas redes sociais unha campaña que afirma que a historia de Helen Keller é falsa, incluíndo unha petición en change.org para eliminala da historia. 

 

Data de estrea: 15 de febreiro de 2024