BUTACAZERO: 'IRIBARNE' - 21 Febrero a PONTEVEDRA

Ficha técnica e artística

Elenco: Mónica García, Xurxo Cortázar, Anxo Outumuro, Lidia Veiga, Jorge de Arcos e Esther F. Carrodeguas

Coreografía e ax. Dirección: Sabela Domínguez

Asesoramento coreográfico tradicional: Artur Puga

2º axte. Dirección: Antonio Castro

Espazo sonoro e temazos: Berto

Espazo escénico: Xavier Castiñeira e Diego Valeiras

Vestiario: Diego Valeiras

Iluminación: Diego Vilar–equipo creativo RTA

Audiovisuais: Pablo Fontenla

Editor fx: Antón Miranda

Asistencia técnica: RTA–recursos técnicos artísticos

Texto: Esther F. Carrodeguas

Dirección: Xavier Castiñeira

Produción: Juancho Gianzo e Esther F. Carrodeguas

Entrevistas: Inma López Silva, Pablo Fontenla

Unha produción ButacaZero en coprodución co Centro Dramático Nacional e a MIT de Ribadavia.

Para traballar na escritura desta peza a autora gozou dun intercambio coa compañía Hika Teatroa, dentro do programa Cruces de Camiño Escena Norte, dunha Residencia Mariñán da Deputación de A Coruña e Axóuxere Editora e dunha residencia de escritura na Sala Beckett no ano 2023.

 

Descrición:

IRIBARNE é un tipo nado na mesmísima vila de Rouco Varela (si: o cardeal) durante a Monarquía de Alfonso XIII (o primeiro promotor do cine porno en España?, si-si: ese). Emigrado a Cuba con tan só un aniño -coincidindo coa inauguración da ditadura de Primo de Rivera- tras facer as Américas durante un par de anos o noso protagonista volve triunfante para ser o fillo do alcalde (e o da francesa!). Empeza o bacharel coa entrada da II República, case-case se fai cura durante a Guerra Civil pero decide liscar a Madrid -seguindo o rastro doutro galego ilustre- nada máis inaugurada a Era do Devandito (si, claro: O Caudillísimo). Con tanto afán tentou ser como el que máis pronto que tarde chegou a ser Ministro no seu mandato, a pesar de ter disparado dous días antes contra o cu da súa filla (pero que dis!? Si-si: dato real!). Sendo o primeiro e mellor opositor de España, quixo substituír ao Caudillo cando este morreu. Non puido ser: non ía por oposición. Tivo que conformarse co cargo de Vicerrei na súa querida Terra Galega.

IRIBARNE é unha investigación escénica sobre unha desas figuras absolutamente imprescindibles do noso pasado recente. Un intento (irreverente) por comprender como chegamos até aquí da man dun político que, nas súas propias palabras, dicía as verdades sen condón. Pero ollo: por máis que o poida parecer, isto NON é un biopic sobre Manuel Fraga. Teríanos encantado facelo… pero non collía nunha soa obra!