Blues de media noite a CORUÑA

Autoría: Alba Fernández Cotelo

Dirección: Alba Fernández Cotelo

Elenco: Alba Fernández (danza e teatro), Marian Ledesma (voz e teclado), Julio Cuns (guitarra), Juan Tinaquero (contrabaixo e baixo eléctrico), Bruno Couceiro (batería) e Alfonso Castro (luz e guitarra)

Xénero: danza contemporánea

Duración: 60 min

Público: adulto (maiores de12 anos)

Sinopse: Cando cae a noite e entra a melodía, acéndense as luces para min.

Blues de Medianoite entra, a ritmo de blues, no misterio e a sensualidade da noite, achegándonos ás raíces negras no movemento e na música, nunha viaxe no tren clandestino que conduce á liberdade. Pon en valor as grandes damas do blues e a riqueza rítmica que vén directamente de África, sempre dende un filtro persoal. Isto é, o NOSO Blues.

É un espectáculo multidisciplinar (danza, música e teatro) que transita entre o formato escénico e formato concerto. É un espectáculo feminista, que parte do histórico para chegar á intimidade de cada persoa, recreando a poética do imaxinario propio deste xénero musical, grazas á luz, que nos traslada ao club, ao tren, ao cruce de camiños...