Max Barber Hollywoodeko B saileko filmen ekoizlea da eta proiektu berri baten bila dabil mafiako buru batekin duen zorra kitatzeko. Arrisku handiko akzio eszenak dituen film bat ekoizteari ekingo dio, aktore protagonistaren heriotza eragin eta aseguru kopuru izugarria kobratu eta arazo ekonomikoak behingoz konpondu ahal izateko.

Horretarako, Duke Montana aktorea hautatuko du, garai bateko izarra, egun depresioak jota eta alkoholarekin arazoak dituena: pertsona perfektua Maxen planak bete daitezen. Dena dela, errodajearen egunak aurrera joan ahala, gauzak ez dira espero bezala gertatzen.

Jatorrizko izenburua: The Comeback Trail

Zuzendaria: George Gallo

Aktoreak: Robert de Niro, Morgan Freeman, Tommy Lee Jones.

Iraupena: 104 minutu