Xénero: Teatro

Idioma: Galego

Idade recomendada: Adultos

Duración: 95 minutos

Prezo da entrada: 8 €

 

Ficha artística e técnica:

Elenco: Carlos Blanco Vila, María Belén Martínez Constenla, Oswaldo Digón Alba, Pablo Novoa Cid. 

Dirección: Lois Blanco Araúxo.

Deseño de luz: Daniel Rodríguez Juncal.

Escenografía: Marta Villar Sanjurjo.

Música: Pablo Novoa Cid.

 

A obra:

Síbaris é a primeira obra de teatro escrita por Domingo Villar, autor de recoñecido prestixio das letras galegas cuxas obras están traducidas a varios idiomas e adaptadas ao cine e a televisión.

 

Sinopse:

Vinte anos despois de que a publicación de Síbaris o convertese na estrela máis rutilante do firmamento literario, o escritor Víctor Morel non atravesa un bo momento: incapaz de escribir nada á altura das expectativas, leva demasiado tempo bloqueado e cunha situación económica cada día máis delicada.

 

Laura, a súa muller, anímao a aceptar unha invitación da Universidade da Sorbona, disposta, como tantas outras institucións, a pagar xenerosamente por unha lección maxistral do célebre autor, pero a primeira aparición pública de Víctor Morel en anos remata nun ataque de pánico e unha espantada antes de tempo.

 

A vida dos Morel semella afundir no desconsolo, cando Laura atopa unha saída.