Hizlariak: Maitelan eta Malen Etxea

Lekua: Zabiel Kultur Etxea, Areto Nagusia

Hizkuntza: Elebia

Emakumeentzako ekitaldia

Maitelan gizarte ekimeneko eta irabazi asmorik gabeko zainketen kooperatiba integrala da, Hernanin sortua. Zainketen erantzukizun soziala denen artean hartzeko tresna gisa sortu da proiektua, erakunde berean langile, erabiltzaile eta laguntzaileak antolatuz. Maitelanen helburua pertsonei zaintza eta arreta zerbitzuak eskaintzea da, non langileak zein erabiltzaileak izango diren zerbitzuaren zer, nola eta noiz erabakiko duten protagonistak.

Malen Etxea berdintasunaren alde eta emakume migratzaileen giza eskubideen alde lan egiten duen irabazi asmorik gabeko Zumaiako elkartea da.

“Feminismoa, anti-arrazista izango da edo ez da izango” leloa geure egin dugu, lelo huts izatetik haratago, begirada zuzendu, geure buruak aztertu eta praktika feministaren norabidetzen duelako. Mahainguruan, diskurtso eta praktika horretatik diharduten proiektu eta esperientzia bi ezagutuko ditugu, migrazioa eta zaintzaren gaiei helduz.