Jone eta Maria bi nerabe euskaldun dira eta Estatu Batuetara bidaiatuko dute ikasturte baterako. Elkarren artean oso desberdinak dira: Jonek “amerikarren bizimoduari” buruzko iritzi ona du; Mariak, berriz, “yankee”-ekiko aurreiritziak ditu. Aireportuan daudela, Jonek pasaportea eta maleta galduko ditu, eta poliziak atxilotu egingo du, immigrante ilegaltzat joz.

Munduaren zabaltasuna eta herrialde eta hizkuntza desberdinak ezagutzeko aukera eskaintzen du lan honek. Erritmo biziko ikuskizuna da, pertsonaia aldaketa ugariak eta bizkorrak dituena. Bestalde, euskara, gaztelania eta ingelesa tartekatzen ditu eta kantuek eta zuzeneko musikak leku garrantzitsua dute.


Zuzendaria: Mireia Gabilondo
Egilea: Patxo Telleria
Antzezleak: Miren Arrieta, Nerea Mazo