MARUXIÑA inspírase no conto clásico de Andersen "Pulgarcita" para contar unha nova aventura. Este espectáculo cómico e poético segue á protagonista mentres explora o mundo que a rodea desde o momento en que nace dunha hortensia azul. Un día Maruxiña descobre que hai un mundo moito máis grande, que hai amigos e xente non tan amigable, que lle encanta voar... pero o que realmente importa é decidir o que queres ser.

A través da música, o humor e a imaxinación, Maruxiña invítanos a reflexionar sobre a liberdade de elixir o noso propio camiño e a importancia de descubrir o mundo con curiosidade e coraxe.

É un espectáculo interdisciplinar cun forte compoñente visual.

RECOMENDADO PARA NEN@S A PARTIR DOS 3 ANOS.

DURACIÓN APROXIMADA: 45 MINUTOS