As entradas estarán á venda a partir do venres 14 de novembro de 2025 ás 10:00 da mañá.

Sinopse

Os contos de William Shakespeare é o novo espectáculo de Pedras de cartón logo de ter recibido o Premio Barroco Infantil por Quixote no Festival Internacional de Teatro Clásico de Almagro. Un espectáculo de pequeno formato que mestura a comedia, o teatro de obxectos e a narración oral.

Os contos de William Shakespeare fan un percorrido polas obras máis coñecidas do dramaturgo inglés, adaptadas para toda a familia e cunha linguaxe máis próxima. Deste xeito, abórdanse tres das pezas máis recoñecidas do autor: Romeo e Xulieta contada con teatro de obxectos, Otelo convertindo as personaxes da obra nunhas chamativas e coloridas letras; e Hamlet, contado en clave de comedia a partir dun peculiar xogo de cartas no que ninguén pode gañar.

NOTA: Poderán ser beneficiarias da entrada reducida as persoas dos seguintes grupos: mozos e mozas con Carné Xove (12 a 30 anos), maiores de 65 anos, persoas con un grado de discapacidade recoñecida, persoas desempregadas, perceptores de Rendas Sociais, membros de familias monoparentais ou numerosas.

No caso de mercar a entrada reducida deberá presentarse documento acreditativo da situación específica xunto coa entrada no momento do acceso ao espectáculo. De non dispoñer desa proba documental, poderase denegar o acceso.