* SÁBADO 29 DE NOVEMBRO, ÁS 20:00 H.

SARABELA TEATRO: “A METAMORFOSE”

Procedencia: Galicia

Xénero: teatro contemporáneo

Idade recomendada: adulto (+14) 

Duración: 65 minutos

Idioma: galego

Prezo da entrada: 8 €

 

Ficha técnica e artística:

Dirección: Carlos Álvarez Ossorio

Versión: Carlos Álvarez Ossorio

Elenco: Sabela Gago, Fina Calleja. Elena Seijo, Fernando Dacosta, Fer González

Deseño de Iluminación e escenografía: Baltasar Patiño

Deseño de vestiario: Sarabela Teatro

Asesoramento vestiario: Ruth Díaz Pereira

Dramaturxia do movemento: Nuria Sotelo e Rut Balbis

Campo Sonoro: Renata Codda Fons

Distribución: Culturactiva / Sarabela Teatro

 

Sinopse:

Gregor Samsa leva cinco anos ocupándose da mantenza da súa familia, dende que morreu seu pai. Un día, Gregor esperta e sente que xa non pode máis. Incapaz de levantarse da cama, o mundo preséntaselle como un lugar inhóspito e agresivo. A familia intenta comunicarse con el, pero todos os seus intentos son inútiles.

 

As tres mulleres -avoa, nai e irmán- que viven endebedadas e que dependen de Gregor para sobrevivir, entran en pánico ante a expectativa de non poder recuperarse da quebra financeira causada polo pai desaparecido. Tentarán manter a orde e a normalidade con distintas estratexias, todas elas inútiles.

 

A mirada da familia irá animalizando a Gregor, que se vai sentindo como un parasito. Para elas, el non é máis que un becho e el mesmo acabará aceptando a súa condición de monstro.

A Metamorfose mostra a necesidade do ser humano de ser recoñecido, valorado e amado polo que é, non polo que produce ou achega.

 

Que pasa cando deixamos de ser útiles para a sociedade? Ou para os demais? Temos dereito a cambiar, a transformarnos, en calquera momento da nosa vida?