HIGIÉNICO PAPEL TEATRO - 'Gasolina con capullos' a ASTURIAS

Nun chigre ensin nome, de madrugada, atópense dos personaxes ensin muncho que perder: Ana, una muyer sola, qu'afuega la pena n'alcohol y que nun dexa de buscase problemes por dicir les verdaes ensin filtros, y Mohamed un mozu inmigrante africanu qu'intenta, ensin ésitu, sobrevivir vendiendo flores y caxigalines pelos chigres de la ciudá.

Ente estos dos personaxes, empobinaos al fracasu y prácticamente

escluyíos de la sociedá, va surdir un venceyu de complicidá que va xunilos a lo llargo d'una nueche aciaga na que van compartir les sos reflexones, la so soledá y el so desamparu.

Gasolina con capullos ye una traxedia urbana contemporánea tiñida

d'humor agriduz que trata dellos temes d'ámbitu social, como la

inmigración, la esclusión y les desigualdaes, pero tamién la soledá y la falta d’esperanza ante les poques mires de futuru de les persones

desfavorecidas y discriminaes por xéneru, raza o cualesquier condición.